Parlamenti i Republikës Sërpska në Bosnjë e Hercegovinë e ka miratuar të enjten një raport, i cili thekson se vrasja e 8.000 myslimanëve në Srebrenicë gjatë luftës së Bosnjës, nuk përbën gjenocid.
Më 2007, Gjykata Ndërkombëtare e Drejtësisë e shpalli gjenocid krimin në Srebrenicë, në të cilin u vranë më shumë se 8.000 burra dhe djem boshnjakë më 1995 nga Ushtria e Republikës Sërpska.
Masakra e Srebrenicës është cilësuar si më e rënda në Evropë prej Luftës së Dytë Botërore.
Megjithatë, presidenti nacionalist i Republikës Sërpska, Millorad Dodik, tha para ligjvënësve se “nuk ka ndodhur gjenocid, prandaj një cilësim i tillë duket të hidhet poshtë”.
“Serbët nuk kanë kryer gjenocid”, shtoi ai.
Ky vendim u mor në një kohë kur Serbia dhe Republika Sërpska janë duke bërë fushatë kundër një draft-rezolute, e cila është duke u diskutuar në Kombet e Bashkuara për ta shpallur 11 korrikun si Ditën Ndërkombëtare të Kujtimit të Gjenocidit në Srebrenicë.
Asambleja e Përgjithshme e OKB-së pritet ta votojë në fillim të majit këtë draft-rezolutë.
Presidenti i Serbisë, Aleksandar Vuçiq, tha javën e kaluar se Serbia do të luftojë kundër miratimit të kësaj rezolute në OKB, e cila do t’i fajësonte serbët. Ai druhet se rezoluta mund të krijojë bazën për boshnjakët që të kërkojnë dëmshpërblim lufte nga Serbia, aleatja e serbëve të Bosnjës gjatë luftës.
Rezoluta është pjesërisht e ngjashme me rezolutën për gjenocidin e Ruandës, ku rreth 800.000 tutsi dhe hutu ishin vrarë. Drafti i saj është zhvilluar nga një grup vendesh, përfshirë Ruandën, Gjermaninë, Francën dhe Shtetet e Bashkuara.
Deri tani, më shumë se 50 njerëz janë dënuar me mbi 700 vjet burgim për gjenocid dhe krime të tjera në Srebrenicë.
Radovan Karaxhiq, presidenti i parë i Republikës Sërpska [1992/1995], entitetit kryesisht serb i cili bashkë me federatën boshnjake dhe atë kroate e përbëjnë Bosnjën, u dënua me burgim të përjetshëm për gjenocid dhe krime të tjera, përfshirë në Srebrenicë.
Komandanti i ushtrisë së Republikës Sërpska në atë kohë, Ratlko Mlladiq, po e vuan një dënim me burgim të përjetshëm për gjenocid po ashtu./Rel
Lajme të tjera
-
NATO e shqetësuar për retorikën përçarëse në Bosnje
8 Prill, 15:53 -
Bosnje/ Dodiku dekoron Orbanin me të njëjtën medalje si Putinin
5 Prill, 16:39 -
Fronti i Ri i Putinit në Luftën e Ukrainës është në Ballkan
2 Prill, 12:04
-
Udhëheqësit e BE-SË vendosin hapjen e negociatave më Bosnjën për anëtarësimin e saj në bllok
21 Mars, 22:56 -
BE-ja do të vendosë për nisjen e negociatave të anëtarësimit me Bosnjën
20 Mars, 10:53 -
Dodik 'feston' fitoren e Putinit me ngjyrat e flamurit rus
18 Mars, 22:36 -
Analiza/ Mungesa e stabilitetit në Bosnje e Hercegovinë dhe efektet në Kosovë e rajon
17 Mars, 16:52 -
VIDEO/ Përplasen fizikisht deputetët në Kuvendin e Bosnje-Hercegovinës
14 Mars, 22:39 -
Von der Leyen konfirmon zyrtarisht rekomandimin për nisjen e negociatave për anëtarësimin e Bosnjës
12 Mars, 11:03 -
Përpjekjet ruse për destabilitet, Komisioni Evropian do të rekomandojë nesër nisjen e negociatave për anëtarësimin e Bosnjë Hercegovinës në BE
11 Mars, 22:28 -
Dodik në Mal të Zi, protesta kundër ‘të dërguarit të Putinit’
27 Shkurt, 22:57 -
Gruaja boshnjake që synon Presidencën maqedonase
26 Shkurt, 19:32
